Karibeko dantzetan trebatzeko tailerra antolatu dute Berangon

Salsa, bachata, kizomba eta halako dantza-motetan aritzeko hiruhileko ikastaroa antolatu dute Berangon. Klaseak martxotik maiatzera bitartean izango dira, martitzenetan. Interesa dutenek otsailaren 16ra arte eman dezakete izena.

Karibeko dantzetan trebatzeko tailerrak antolatu dituzte Berangon. Ikastaroa hiru hilabetekoa izango da, martxotik hasi eta maiatzera bitartekoa. Talde bitan banatutako klaseak izango dira, mailaren araberakoak: hasiera-erdi maila, 17:00etatik 18:00etara; eta erdi-goi maila. 18:00etatik 19:00etara. Eskola denak martitzenean izango dira, eta, gehienez, 5 pertsonako taldeak izango dira; parte-hartzaile denak udalerrian erroldatutakoak izan beharko dira.

Interesa dutenek otsailaren 16ra arte eman dezakete izena, hurrengo helbide elektronikoetako batera emaila bidalita: berangokultura@berango.org edo santanakultura@berango.org. Prezioa 35 eurokoa izango da.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun