Anabel Landa Berangoko alkateak azaldu duenez, Agintaldi Planean definitutako lehentasunezko jarduketak Berangoko erronka eta beharrizan nagusiei erantzuna ematera bideratuta daude. Horretarako, hiru esparru garatu dituzte: Berango sozial eta kulturala; bizi kalitatea eta parte-hartzea; eta iraunkortasuna eta etorkizunera begiratzea. Hiru esparruotan askotariko erronka estrategikoak txertatu dituzte; hemen ikus daitezke horiek guztiak, banan-banan azalduta.