Gazteentzako ekintza bereziak antolatu ditu udarako Berangoko Udalak

Artxiboko irudia, 2015eko Urdulizko udalekuak. © ERAGINTZA

Urtero legez, Berangoko Udalak neska-mutilentzako udalekuak eta ekintza bereziak antolatu ditu udarako, ekainaren 28tik uztailaren 23ra, hain zuzen ere. Horietan parte hartu gura dutenek aldez aurretik izena eman beharko dute, maiatzaren 12a baino lehen.

Izen-emate epea maiatzaren 5etik 12ra artekoa izango da, eta inskripzioa egiteko berangokultura@berango.org helbidera jo beharko da. Udalekuak adinaren arabera banatuta egongo dira: udako Ludotxiki, 2016 eta 2018 artean jaiotakoentzat; udako Ludoteka, 2013 eta 2015artean jaiotakoentzat; eta udako Ludokluba, 2009 eta 2012 urteen bitartean jaiotakoentzat.

Udaleku bakoitzaren prezioa 150 eurokoa izango da Berangon erroldatuta daudenentzat soilik. Ordainketak egiteko azkenengo eguna ekainaren 15a izango da.

Egonaldia aterpetxean eta txangoak

Horrez gainera, aterpetxe batean –ez dute zehaztu zeinetan– egonaldia egingo dute ekainaren 29tik uztailaren 1era bitartean, 13 eta 17 urte arteko neska-mutilentzako, 75 euroren truke. Era berean, udalekuak egingo dute aurreko adin tarte berdina duten gazteentzako, uztailaren 5etik 23ra. Horretan, hainbat txango egingo dituzte, eta prezioa 35 eurokoa izango da asteko.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun