Basque Country Cup

Emakumezkoen Nazioarteko Eskubaloi Txapelketa, Berangon

Emakumezkoen I. Nazioarteko Eskubaloi Txapelketa "Basque Country Cup" izango da azaroaren 25etik 27ra bitartean, eta Berango izango da lehiaketa hori hartuko duen egoitzetako bat. Zehazki, hilaren 26an, barikuan, partiduak jokatuko dituzte Berangoko kiroldegian.

Nazioarteko senior mailako sei talde lehiatuko dira Emakumezkoen I. Nazioarteko Eskubaloi Txapelketan, "Basque Country Cup" izenekoan. Horretan, nazioarteko jokalariak arituko dira, zehazki, Finlandiatik, Luxenburgotik, Kongotik, Brasildik eta Argentinatik etorritakoak; gainera, nola ez, Euskal Selekzioa ere arituko da lehian.

Berangoko kiroldegia izango da txapelketako egoitzetako bat, eta, azaroaren 26an, Finlandia-Brasil (15:00etatik 16:30era), Luxenburgo-Kongo (17:15etatik 18:45era) eta Euskal Selekzioa-Argentina (19:30etik 21:00etara) partidak izango dira bertan.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun