Berangon desagertutako Burdin Hesiaren aztarnak ikusgai daude berriro, miniaturan

Hodei Torres · Iker Rincon Moreno 2021ko abe. 20a, 16:40

Burdin Hesiaren desagertutako defentsa-eraikuntzak berreskuratzearen aldeko apustua egin du Berangoko Udalak; horretarako, Manu Paz Varela modelista-adituaren eskutik, eskalan berreraiki dituzte Areneburuko tontorra eta hegalean gotortutako defentsak, metrailadore-habi eta guzti. Erreplika Burdin Hesiaren Oroimenezko Museoa ikus daiteke.

Eusko Jaurlaritzak aginduta, Bilboko hiribildua tropa frankistetatik babesteko defentsa-lerroa eraiki zuten 1936an: Burdin Hesia. Hori, baina, 1937ko ekainaren 12an erori zen, eta Francoren tropak hiria hartu zuten.

Berangon, Areneburuko tontorra eta hegala gotortu zituzten, baina, gehienak 2006an suntsitu ziren Uribe Kostako korridoreko obrak egiterakoan.

Horiek berreskuratze aldera, eskalan berreraiki dituzte defentsok, Manu Paz Varela modelista adituaren eskutik, eta daborduko ikusgai daude Burdin Hesiaren Oroimenezko Museoan.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun