2012an ekin zion ibilbide honi; dioenez, urte horretan, lagun batek eman zion hazien poltsa termikoen berri, eta horiek egitera animatu zen. Hasiera batean, lagunen eskariz egiten zituen, musutruk; ondoren, baina, dirua eta denbora horretan inbertitzen ari zela argudiatuta, horiek saltzen hasi zen. Han eta hemengo azoketan erakusten ditu bere produktuak, baina enkargu gehienak telefono bidez jasotzen ditu: “WhatsApp bidez, nik bidaltzen dizkiot bezeroari tela motak, eta haren nahien arabera, produktua pertsonalizatuta egiten diot”.
Etxeko saloian du lantokia Alonsok; makina bigaz eta manikiez inguratuta, denetarik josteko prest dago. Produktuen prezioei dagokienez, denetarik topa dezakegu bere katalogoan: “Mototsak jasotzekoak lau euroan saltzen ditut, poltsa termikoak 10 euroan, eta poltsak bost eurotik 25 euroraino, tamaina eta materialaren arabera”.
Begoña Alonsok egindako poltsa termiko bat irabazi gura duzu? Bada, bat zozkatzen dugu; egin klik hemen eta parte hartu zozketan!