Hiru eguneko irrati-tailerra antolatu du Berangoko Ludoklubak egunotarako, urtarrilaren 21, 28 eta otsailaren 4rako, hain zuzen ere. Saioak 2010-2012 urteen artean jaiotako neska-mutilei begirakoa izango dira, ordubetekoak, 18:00etatik 19:00etara, Santa Ana kultur etxean. Izen-emate epea urtarrilaren 17tik 20ra bitartean egongo da zabalik.
Irrati-tailerrerako leku kopurua mugatuta egongo da eta, ondorioz, Berangon erroldatutakoek izango dute lehentasuna. Halaber, hiru egunetan parte hartzeko konpromisoa eskatu dute.
Izena emateko epea hilaren 17an zabalduko dute, urtarrilaren 20ra arte. Horretarako, izen-emate orria bidali beharko da berangokultura@berango.org helbide elektronikora.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!