Udalerriko auzokideentzako ekintza mordoa antolatu ditu Udalak, Berango Gazte Lab eta Gazteria Arloagaz elkarlanean, urrira bitartean. Lehenengo ekimena muskulu-kateen inguruko ikastaroa izango da, otsailaren 12an, Berango Gazte Laben lokalean, 10:30etik 12:30era.
Horrez gainera, bestelako ekintzak egingo dituzte, hala nola estresa kontrolatzeko tekniken inguruko saioa, triatloi bat prestatzekoa, elikadura osasungarrian murgiltzeko ikastaroa, jarduera fisikoan trebatzekoa, urpekaritzako bataioa, eta, azkenik, erortzen ikasteko tailerra. Horietarako, aldez aurretik izena eman beharko da, derrigor.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
