Ingelesa dakitenen artean ahozkotasuna lantzeko asmoz, elkarrizketa-taldeak sortu gura dituzte Berangon maiatzerako. Horretarako, interesdunek B1-B2 gutxieneko maila izan beharko dute, eta aldez aurretik izena eman beharko dute 946 881 179 telefono zenbakira deituta edo mezua bidalita santanakultura@berango.org helbidera.
Antolatzaileek argi utzi gura izan dutenez, elkarrizketa-taldeak ez dira ingeleseko eskolak izango, eta saioak eguaztenetan izango dira, maiatzean, 17:30etik 18:30era, Santa Anan.
Taldeak, gutxienez, bost pertsonakoak izango dira, eta 10ekoak gehienez.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
