Berango Erdi Arora bueltatuko da aste-akabu honetan

Ander Zarraga 2022ko mai. 20a, 13:45
Berangoko Erdi Aroko Azoka, artxiboko irudian.

Gaurtik domekara bitartean Erdi Aroko azoka egingo dute Berangon. Artisauak, ikuskizunak, dastaketa gastronomikoak, umeentzako ekintzak eta beste hainbat jarduera prestatu dituzte egunotarako Moreaga parkean.

Gaur, maiatzak 20, 17:30ean, hasiera emango diote Berangoko Erdi Aroko Azokari, eta domekara bitartean hainbat jarduera prestatu dituzte ume eta helduen gozamenerako. Udalak bultzatutako ekimena Moreaga parkean kokatuko dute, eta goizez zein arratsaldez eskainiko ditu ikuskizunak, azoka edo umeentzako jarduerak.

Besteak beste, duela hainbat mendeko artisauak, Chechare taldearen suagaz eta argiagaz egindako ikuskizuna, magoak, hegaztien ikustaldiak eta ipuin-kontalariak egongo dira. Ez dira faltako produktu gastronomikoak, hala nola Leongo zezina, Verako piperrautsa, Jerteko gereziak, Turkiako gozokiak, euskal gozotegia, Galiziako produktuak edo espeziak.

Kultura Berango
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun