Ekotopaketak aurkeztuko dituzte gaur Berangon

Portugaleten izango diren Euskal Herri mailako jardunaldi ekologistak aurkeztuko dituzte gaur, barikuan, Berangon. Otxantegi Herri Lurra proiektua babesteko kanpaldia aprobetxatu dute Ekotopaketa horien berri emateko, non krisi ekologikoa ikuspegi desberdinetatik aztertu eta  euskal ekologismoaren antolakuntzan aurrerapauso bat emango duten. Topaketa 17:00etan hasiko da, Berangoko metro-geltokian; ondoren, kalejira egingo dute Otxandategi dorretxearen ondoko lursailera.

Irailaren 30ean hasiko diren topaketen gaurko aurkezpenean, kalejiraz gainera, nekazaritzaren inguruko mahai-inguru bat egingo dute; ondoren, Ekotopaketen zehaztasunak azalduko dituzte. Azkenik, egunari amaiera emateko, Itsasoiko dokumentala proiektatuko dute; horretan, arrantzaren sostengarritasunaren inguruan hausnarketa egiten dute.

 

Irakurle agurgarria:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda. Horretarako, jarri gugaz harremanetan administrazioa@hiruka.eus helbidera mezu bat idatziz edo beheko botoiari sakatuz.


Izan zaitez HIRUKAlagun