Kirolgunearen kirol-instalazioak handitu egingo ditu Berangoko Udalak

Erredakzioa 2022ko aza. 15a, 18:14
Proiektuaren infografia. © BERANGOKO UDALA

Berangoko Udalak padel-pista berri bi eta erabilera anitzeko beste areto bi jarriko ditu Kirolgunean, bertan askotariko jarduerak garatu egin ahal izateko. Horretarako, arduradunek daborduko esleitu dituzte Karabiganen dagoen kirol-eremua handitzeko obrak, Udalak jakinarazitakoaren arabera.

Proiektuaren idazketak 800.000 euroko aurrekontua du, eta zortzi hilabete inguruko egikaritze-epea.Arduradunek zehaztu dutenez, proiektuak bi atal aurreikusten ditu. Horietako bat kanpoko estalkia da, "zertxa metalikozko egitura-sistema baten bidez" egingo dena; bigarren atalean, estalki horren azpian eraikiko diren bi padel-pistak proiektatu dituzte, beheko solairuan.

Horrez gain, arrapalak eraikiko dituzte pisten inguruan, horietara sartzeko. Bestalde, sotoko solairuan, erabilera anitzeko bi aretoak eta lokal erantsiak egongo dira, hala nola aldagelak, komunak, biltegiak eta instalazioen gela.

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun