Aurten ere, liburuen orri-markagailu originalenak hautatzeko lehiaketa egingo du Berangoko Liburutegiak. Bigarren edizio honetan, parte hartzaileek euren idazlerik gogokoena izan beharko dute oinarri orri-markagailuak egiterakoan, eta bakoitzak bakarra aurkeztu ahal izango du. Parte-hartzeko epea apirilaren 17tik 20ra izango da, eta hiru kategoria egongo dira: 3-10 urte, 11-15 urte eta 16 urtetik gora.
Kategoria bakoitzeko irabazle bakarra egongo da, eta sariak 25, 35 eta 55 euroko balioa duten liburu-sorta batengatik trukatzeko baleak izango dira, hurrenez hurren.
Emaitzak apirilaren 21ean jakinaraziko dituzte, eta sariak hilaren 25etik 27ra banatuko dituzte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
