Domekan, hilaren 7an, nekazaritza-munduko produkturik onenak erosteko aukera egongo da Berangon, Moreaga parkean, 10:00etatik 15:00etara. Izan ere, Udalak antolatutako Nekazaritza Azokak 40 postu hartuko ditu, eskualdeko nekazari eta baserritarren presentzia handiagaz. Aurten, baina, ez da artisau-produkturik saltzeko lekurik jarriko, eta ez da ohiko euskal-pastel lehiaketarik egongo ere.
Ohiko produktuak erosteko aukera izateaz gainera, egunean zehar musika eta umeentzako jolas parkea egongo dira. Era berean, sabela betetzeko eta zintzurrak bustitzeko aukera egongo da.
Aurten, baina, hitzordu honetan ohikoa den euskal pastelaren lehiaketa ez dute egingo, ezta artisautza-posturik egongo ere.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!