Urrun daudela dirudien arren, Gabonak ate joka ditugu. Hori dela-eta, Berangoko Udalak oporraldi horretarako umeentzako programa prestatu du. Hala, horretan parte hartu gura duten neska-mutilen sendiek azaroaren 20tik 28ra bitartean izango dute izena emateko aukera. Hilaren 30ean zozketa publikoa egingo dute, eta abenduaren 4an onartutako behin betiko zerrenda ezagutzera emango dute.
Gabonetako ekimen guztiak adin tarte bakoitzari egokitutakoak izango dira: Ludotxiki (2020-2018 jaiotakoak), Ludoteka (2017-2015 artekoak), Ludokluba (2014 eta 2012 artean jaiotakoak) eta Gaztelekua (2011-2008 artekoak). Koloniak abenduaren 26tik 29ra artekoak izango dira; halere, bestelako ekintzak ere egongo dira urtarril hasieran, hala nola Irristaketa Gasteizen, Tximiparka Boluetan eta City Jumpa Barakaldon. Horietan parte hartzeko, prezio gehigarria ordaindu beharko dute familiek.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!