Abenduaren 17an, domekan, izango da Gabonetako urteroko azoka solidarioa eta bigarren eskuko merkatua, frontoian, 11:00etatik 15:00etara. Hori dela eta, horietakoren batean postutxo edo etxola bat jarri gura duenak, daborduko izena eman dezake, abenduaren 5a baino lehen, egun hori barne.
Azoketako salmenta-puntuak mugatuak izango dira eta, hori dela eta, abenduaren 5era bitartean izena emango dutenen artean zozketa egingo dute abenduaren 11n, 12:00etan, Berangoetako areto nagusian.
Izena eman gura dutenek, Berangoeta kultur etxean egin dezakete presentzialki, gaur, barikuan, 09:00etatik 14:00etara, eta astelehenetik eguaztenera, 09:00-14:00 eta 16:00-19:00 ordu tarteetan; edo posta elektronikoz, mezua berangokultura@berango.org helbidera mezua bidalita.
Azoketan ezin izango da janaririk, ez edaririk ezta animaliarik saldu.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
