Obren esleipena 2022ko irailaren 23an formalizatu zen, eta Goizalan Eraikuntzak, S.L. enpresa izan zen esleipenduna. Hala ere, proiektuan aurreikusitako ibilbide-orria aldatu egin zen lanak hasi ondoren, indusketak iraun zuen bitartean ustekabeak sortu baitziren obran, Kirolgunearen eta futbol-zelaiaren ondoan ezponda bat zegoelako, eta bertan daude instalazio berriak. Horregatik, proiektuaren aldaketa bat idatzi behar izan zuten ezponda egonkortu ahal izateko, eta, ondorioz, proiektua gauzatzeko atzerapena gertatu zen.
Kirolgunea handitzeko lanak amaituta, estalitako padel-pista biak irekiko ditu laster Berangoko Udalak. Kirol-eremua handitzeko proiektua bukatutzat eman dute, 1.156.051 euro –BEZ barne– inbertitu ondoren. Horretarako, Udalak jakinarazi duenez, 44.631 euroko diru-laguntza jaso zuen Bizkaiko Foru Aldundiko Herri Administrazio eta Erakunde Harremanetarako Sailetik, Azpiegiturak 2022 programaren kontura.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun