Ertzaintzak 52 urteko gizonezko bat atxilotu du droga trafikoaren delitua egotzita Berangon egindako operatibo batean. Eusko Jaurlaritzako Segurtasun Sailak zehaztu duenez, atxilotuari 53 gramo kokaina, 147 gramo haxix eta 2.890 euro atzeman dizkiote atxilotu duten unean.
EAEko polizia autonomikoa irailean hasi zen Berangon droga trafikoan aritzen zela uste zuten gizon baten nondik norakoak ikertzen. Horren ondorioz, joan den zapatuan, abenduaren 16an, operatiboa egin zuten, eta ertzainek azpimarratu dute egiaztatu zutela susmagarriak drogaren txikizkako salmentak egiten zituela eta, beraz, atxilotu egin zuten.
Atxilotu zuten momentuan, 53 gramo kokaina, 147 gramo haxix eta 2.890 euro aurkitu zizkioten gizonari. Aurkitutako droga saltzeko prestatutako bilgarri txikietan zuen. Atxilotuak polizia aurrekariak ditu droga trafikoagatik, eta astelehenean jarri zuten agintari judizialaren eskuetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
