Udalekuetan izena eman gura dutenek Berangoetara jo beharko dute, edo emaila bidali berangokultura@berango.org. Udalekuak adinaren arabera banatuta egongo dira: udako Ludotxiki, 2021 eta 2019 artean jaiotakoentzat; udako Ludoteka, 2018 eta 2016 artean jaiotakoentzat; eta udako Ludokluba, 2015 eta 2013 artean jaiotakoentzat. Udalekuok 10:00etatik 14:00etara arteko ordutegia izango dute, baina irteteko ordutegi malgua izango dute Ludotxikikoek. Gainera, goiztiarren gela egongo da, 10 euroko kostu gehigarriagaz, 09:00etatik 10:00etara.
Egitasmo bakoitzak bere txangoak egingo ditu.
Ordainketak egiteko azkenengo eguna maiatzaren 24a izango da. Arduradunek azaldu dutenez, programa guztiak euskaraz izango dira, ingelesa ere sustatuta, eta Berangon erroldatutako umeek izango dute lehentasuna, leku-kopurua mugatua izango baita.