Hasiera zaila izan zela azaldu digu Melody Solangek, oraindino jendeak ez zuelako ondo ezagutzen: "Apurka-apurka eta ahoz aho nire negozioa ezagunagoa egiten joan zen. Ume eta gizonei mozten nien ilea hasieran. Beranduago andreek ere ilea mozteko eskatu zidaten. Egun, denetarik egiten dut".
Hala, profil guztieakaz lan egiten duela baieztatu du, "2 urteko umeetatik, 91 urteko lagunetara". Hala ere, bere bezerorik fidelenak 30-70 urteko emakumeak dira, "edade horretatik aurrera ile-kolore eta azalagatik gehiago kezkatzen hasten direlako".
Solangerentzako Cocok "norberarentzako une bat" eskaintzen du: "Zain zauden bitartean masaje lasaigarri bat egin dezakezu edo pedikura ere. Gainera, kafea eskaintzen dugu". Azaldu duenez, beste ile-apaindegi batzuetan ez bezala, haiek ez dute xanpu bereziengatik kobratzen. "Zerbitzu bat emateaz gain, bezeroa zaintzen eta mimatzen dugu", baieztatu du.
Nahiz eta Cocok denbora gutxi eraman, harro onartu du etorri diren bezeroak ez direla joan eta hilabeteak pasa ahala ikusten jarraitzen dituela. Hala, bere apaindegian zerbitzu guztiak eskura daudela nabarmendu du: "Depilatu edo metxak egin nahi badituzu, hemen duzu aukera. Ez duzu beste leku batera joan behar: gugan konfiantza izanda, dena duzu eskura", azpimarratu du.