Joan den martitzen goizean aurkeztu duen gutunean, PACMAk deitoratu du zaldiak oso animalia sentiberak direla eta haiekaz arrastaka ibiltzean, beharrezkoa ez den "estres eta esfortzu" egoera batean murgiltzen direla. Seinalatu du horrelako praktikek ez dutela lekurik "animalien errespetuan eta babesean aurrera egin gura duen gizarte batean".
"Gure ustez, Berangok animalien esplotazioa, abusua eta tratu txarrak ez dakarten jolas- eta kultura-jarduerak egin eta sustatu ditzake. Ekitaldia bertan behera uztea lidergoaren eta gaur egun sustatu behar diren enpatia- eta errespetu-balioekiko konpromisoaren adibide garbia izango litzateke", adierazi du koordinatzaileak.
Hori dela eta, PACMAk Berangoko Udalari eskatu dio ekitaldi hori berriz aztertzeko eta animaliak entretenimendurako ez erabiltzeko alternatibak aukeratzeko. Gainera, herritar askok kezka hori ere partekatzen dutela nabarmendu du alderdiak.
