Batetik, LAB, ESK, Steilas, EHNE-etxalde eta Hiru sindikatuek elkarretaratzea egingo dute egunean, 11:30ean Bilbon, Biena aurrean, Jesusen Bihotza plazan. Sindikatuek deialdian salatu dutenez, "prekarietateak hil egiten du" eta patronala eta instituzioak egin dituzte horren erantzule.
Bestetik, egun berean, herritarrak 19:00etan batuko dira Berangoko frontoiaren aurrean langilearen heriotza salatzeko.
63 urteko langilea astelehenean hil zen, 15:00ak aldera, koadro elektriko bat buruaren gainera erori zitzaionean, Berangoko txalet batean eraikuntza-lanak egiten ari zela. LAB sindikatuak salatu du aurten 35 pertsona hil direla Euskal Herrian lanean ari zirela.
