Azaroaren 25a gaitzat hartuta, 6 eta 16 urte bitarteko neska-mutilentzako II. Komiki Lehiaketa antolatu du Berangoko haur-liburutegiak. Adinaren araberako kategoria bi egongo dira, eta lanak azaroaren 15era arte bidali ahal izango dira.
Azaroaren 25a Emakumeenganako Indarkeriaren Kontrako Nazioarteko Eguna da eta, hori aprobetxatuta, lehiaketa antolatu dute Berangon. Kategoriak 6 eta 11 urte artekoa eta 12 eta 16 urte artekoa izango dira.
Lehiaketaren oinarriak eta informazio gehiago ikusteko, haurliburutegia@berango.org helbide elektronikora idatzi edo 946 682 143 telefono zenbakira deitu ahal izango da.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!