Urrian, Erandioko Axpuru Kultur Elkarteak martxan jarritako Gailurra Ziurra egitasmoa euskaldunentzako guneak sortzeko helburua du, eta daborduko hainbat txango burutu dituzte Erandio, Leioa eta Gorliz inguruan. Oraingoan, ekimenari kutsu berezi bat eman gura diote, parte-hartzaileak Astigarragako sagardotegi batera eramango baitituzte.
Hala, otsailaren 1ean Bilbotik Sagardobusa hartuko dute, goizeko 11:00etan. Egun osoko plana izango dela iragarri dute, autobusa 23:00ak inguruan bueltatuko baita etxera.
Nola parte hartu?
Parte hartu gura dutenek axpuruelkartea@gmail.com helbidera idatzi beharko dute izena emateko. Erreserbak urtarrilaren 2an itxiko dituzte, beraz, interesdunei garaiz izena ematea gomendatu diete.
