Askotariko mozorroez beteko da martxoaren 1ean Berango. Izan ere, egitarau oparoa prestatu dute ospakizun horietarako, 17:30etik aurrera. Besteak beste, kuadrillen jaitsiera eta mozorro-lehiaketa egingo dute. Azken horretarako, izena ematea beharrezkoa izango da, otsailaren 10etik 14ra bitartean.
Lehiaketarako gaia "fantasia" izango dela iragarri dute udal-iturriek. Hala, horretan parte hartu gura duten kuadrillek izena eman ahalko dute otsailaren 10etik 15ra, telefonoz, 946 682 143 telefono zenbakira deituta.
Kuadrilla propioa osatzerik ez dutenek, Ludoteka eta Ludoklubeko taldeetan parte hartzeko aukera izango dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!