Berangoztarrek bozkatutako 400 proposamenetatik, Udalak lau proiektu hautatu ditu, eta horiek egikaritzeko 150.000 euroko partida bat bideratuko du aurtengo udal-aurrekontuetatik. Parte-hartze prozesua irailean abiatu zen, online plataforma, informazio-karpak eta postontziak erabiliz. Udalak proposamenen bideragarritasun teknikoa aztertu ondoren, onartutako ekimenak gauzatzeari ekingo dio.
Onartutako proiektuen artean, LED argiztatutako oinezkoen pasabideak instalatuko dira ezbehar-arriskua duten eremuetan bide-segurtasuna hobetzeko, 36.000 euroko aurrekontuagaz. Gainera, haur-parke bat eta aisialdirako gune bat eraikiko dira Etxebarri sektorean, txikientzako eremu berriak sortzeko asmoz, 46.000 euroko inbertsioagaz.
Bestalde, txakurren aisialdirako gune bat sortuko da Santa Ana eremuan, perimetro mugatu bategaz, eta horretarako 35.000 euro erabiliko dira. Azkenik, zarata-panelakaz lotutako muralismo lehiaketa bat antolatuko da, ingurunea apaintzeko 40.000 euroko partida bategaz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
