Zapatuan, hilaren 15ean, Emakume Palisten Txapelketaren hirugarren edizioa hartuko du Berangok, emakumeen kirola sustatzeko ekitaldi esanguratsua. Ekimen hau Emakumeen Eguneko jardueren baitan antolatu dute, eta Zutik taldeko emakume palistek parte-hartuko dute, 10:00etatik aurrera.
Goizeko 10:00etan, Torneo Amerikano modalitateagaz ekingo diote egitarauari. Bertan, B taldeko emakumeak lehiatuko dira elkarren aurka. Ondoren, eguerdiko 13:00etan, Kiniela jokatuko dute, A taldeko emakume palisten artean.
Lehiaketa honetan gomazko pilota erabiliko dute, eta Berangoko zein inguruko hainbat jokalarik parte hartuko dute: Rebollo (Berango), Aranburu (Berango), Larraskitu (Berango), Lopez de Eguiluz (Algorta), Olarte (Berango) eta Acebes (Lamiako).
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!