Herritarren mugikortasun-ohiturak ezagutzeko, egungo egoera aztertzeko eta identifikatutako arazo nagusiak biltzeko, parte-hartze prozesu bat diseinatu dute, azterketa teknikoa eta herritarren esperientzia uztartuko dituena.
Azken horri dagokionez, herritarrek modu bitara parte har dezakete: galdetegi digitala betez, "diagnostikorako funtsezko informazioa biltzen lagunduko diguna", udal-iturriek diotenez; eta lan tailerretan parte hartuz, zeinetan mugikortasunaren egoera aztertuko duten. Tailerrok hilaren 18an, 18:30ean, Berango Antzokian; eta hilaren 19an, ordu berean, Berangoeta kultur etxean, izango dira.
Prozesuan parte hartzen dutenen artean bidezko merkataritzako saski bi zozkatuko dituzte.