Berangoko Udalak 2025-2026 ikasturteko kirol eskaintza aurkeztu du. Urriaren 1ean hasiko dira ikastaroak, eta bertan herritarrek aukera izango dute hainbat diziplinatan izena emateko: padel (hasierako eta ertain maila), pilates, yoga —restauratiboa eta ohikoa—, stretching, spinning eta entrenamendu funtzionala.
Izen-emate epea irailaren 17tik 24ra bitartekoa izango da, eta plazak baino eskari handiagoa balego, zozketa irailaren 25ean egingo dute; emaitzak webgunean jakinaraziko dituzte. Ordainketak irailaren 26tik 30era egin beharko dira.
Prezioak erroldatuentzat eta erroldatu gabeentzat bereizten dira: ordubeteko saioak 18 euro hilean (erroldatuentzat) eta 36 euro hilean (erroldatu gabeentzat) izango dira; bi ordu astean, berriz, 35 eta 70 euro, hurrenez hurren. Padel ikastaroek, gainera, kuota berezia dute: 60 euro erroldatuek eta 120 euro erroldatu gabeek.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
