Udalak berrikuntza garrantzitsuak egin ditu herriko Kirolgunean, instalazioa erosoagoa eta seguruagoa izan dadin. Binilozko kirol-zoladura berria jarri dute, inpaktuak xurgatzeko gaitasun handiagaz, eta horrek kirola seguruago eta atseginago egitea ahalbidetuko du.
Horrez gain, eskubaloi, saskibaloi eta areto-futbolerako markaketa berriak margotu dituzte, eta zeharkako eremu berri bat ere sortu dute, espazioari malgutasun handiagoa emanez eta jarduera zein jolas gehiago egiteko aukera eskainiz. Bestalde, harmailetan kristalezko hesia guztiz berritu dute, ikuspena eta segurtasuna hobetzeko.
Udalaren arabera, hobekuntza horien bidez familiek, kirolariek eta erabiltzaile guztiek askoz gehiago gozatuko dute instalazioaz, bai partidetako giroan, bai entrenamenduetan, baita aisialdirako erabiltzen dutenean ere.