Izen-ematea ibilaldiaren egun berean egin beharko da, Sei Herri tabernan bertan. Nagusiek 8:15ean egin beharko dute, eta txikiek 9:00etan. Ibilaldia, aldiz, 9:00etan hasiko da nagusientzat eta 9:30ean txikientzat, parte-hartzaileen izenak esaterakoan.
Haurrentzako eta helduentzako egitarau zabala
Ibilaldiaz gain, egun osoko egitaraua prestatu dute. Umeentzako jarduerak 13:00etan hasiko dira, frontoi parean egingo duten sormen tailer bategaz. Ondoren, 14:00etan, bazkaria izango dute (3 euro/tiketa), eta 15:00etan animaziozko filma eskainiko dute Berangoeta Kultur Etxean.
Helduentzat, berriz, 13:00etan poteo girotua egingo dute, eta 15:00etan izango da bazkaria (15 euro/tiketa). Egunari amaiera emateko, sari banaketa izango da, 18:00etan.