Daborduko Gabon giroa sumatu daiteke Berangon, hamaika ekintza daude, baina herriak baditu bi hitzordu berezi; hau da, Olentzero zein Mari Domingiren kalejira abenduaren 24an eta Errege Magoen kabalgata urtarrilaren 5ean. Bi ekitaldiek harrera ofiziala izango dute kalejiraren ondoren.
Edonork parte hartu dezake, baina horretarako, izena eman beharko du abenduaren 10etik 17ra bitartean. Oso prozesu erreza da; izan ere, Udaletxera deitzearekin nahikoa da.
Taldeetan parte hartu nahi dutenek taldeko kide guztien datuak batera aurkeztu beharko dituzte.
Berangoko Udalak adierazi duten moduan, “Christmas is coming!”; beraz, anima zaitezte parte hartzera!
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!