Berangon urteko azken eguna ez da etxean pasatzeko izango. Abenduaren 31n, eguerdian, herriko enparantza giroz beteko da, metro geltokiaren aurrean, Otxandategi Dantza Taldeak antolatutako jai bereziagaz.
12:00etatik 14:30era bitartean, familia osoarentzako pentsatutako egitaraua izango da. Eguna kanpaien hotsagaz hasiko da eguerdiko hamabietan, eta jarraian, 12:30ean, Bilbotxeros Band taldeak kontzertua eskainiko du, plaza dantzan jarriz. Antolatzaileek aurreratu dutenez, musikaz eta dantzaz gain, beste hainbat sorpresa ere prestatu dituzte.
Galduko duzu? Hurbildu Berangora eta gozatu urteko azken egunaz!
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!