Urrats horren bidez, udalerriak bat egin gura du inklusioa ardatz duen lan-ildoagaz, Bizkaiko Foru Aldundiaren eta hainbat udalerriren babesagaz garatzen ari den sarean.
Hasztenek azaldu duenez, ekimen honek ez du soilik kirol-jarduera sustatzen, baizik eta aukera-berdintasuna, parte-hartzea eta justizia soziala bultzatzen ditu, bereziki aniztasuna duten pertsonen integrazioa helburu hartuta. Berangoren atxikimenduak sarearen sendotzea dakar, tokiko administrazioen inplikazioa funtsezkoa baita aldaketa errealak gauzatzeko.
Egitasmoa Bizkaiko Foru Aldundiak eta Eusko Jaurlaritzako Euskara, Kultura eta Kirol Sailak sustatutako zerbitzuaren baitan garatzen da. Hasztenek nabarmendu du kirolaren esparruan inklusioaren aldeko apustua egitea ezinbestekoa dela lurralde gisa aurrera egiteko, balio partekatuetan oinarritutako gizartea eraikitzeko bidean.