Sindikatuak azaldu duenez, desokupazio lanetan aritzen den Desokupacyl enpresak familia bat mehatxatu zuen atzo Berangon.
Aste honetan bertan antzeko esku-hartzeak izan dira Bilboko Zorrotza auzoan eta Barakaldoko Burtzeña auzoan ere. Bi kasuetan, alokairu kontratua zuten familien aurkako kaleratze saiakerak egon direla dio sindikatuak, eta auzokideen zein sindikatuen erantzunari esker saiakerok bertan behera geratu direla gaineratu du.
Etxebizitza Sindikatu Sozialistaren arabera, desokupazio enpresek "intimidazioa eta mehatxua" erabiltzen dituzte kaleratzeak gauzatzeko, eta jabeen aldeko babes giroa indartzen laguntzen dute, maizterren aurkako jardunak normalizatuz.