Horrez gainera, errautsak uzteko gune berriak prestatuko dituzte, baita oroimenaren lorategi bat ere. Lorategi horrek zuhaitz bat izango du erdigunean, ziurrenik olibondo bat, eta inguruan errautsak uzteko berariazko eremua egokituko dute, legarrez eta zurez egindakoa. Perimetroan landare-gunea eta harrizko bankuak jarriko dituzte.
Era berean, urestatze-sistema berria ere instalatuko dute; hau da, ur lainoztatua erabiliko duen urestatze-sistema. Horrela, errautsak pixkanaka lurrean hobeto integratuko dira. Udalaren arabera, mota horretako espazioak gero eta eskari handiagoa dute.
Handitze-lanen barruan,e gun dauden bakarkako hilobien plataforma bat berrituko dute horma-hobi berriak hartzeko.
Bestalde, instalazio elektrikoa eta argiteria ere eguneratuko dituzte: luminariak eta proiektorea ordezkatuko dituzte, baina argi-zutabeak egungo tokian mantenduta. Gainera, eskaileretan hartune elektriko berriak ere egongo dira, mantentze-lanak eta erabilera puntualak errazteko.