Azokak eskaintza zabala ekarriko du: literatura genero askotako lanak, nobedade editorialak eta irakurle mota guztientzako proposamenak. Bertan izango dira, besteak beste, Literatura Kalean, Psikolan, Blissful Thinking, Draco Somnium, Ediciones Beta, Perez Haziku, Ediciones Fortuna, Viento Norte Editorial, Ediciones Escondidas eta Editorial Novae bezalako argitaletxeak.
Gainera, liburu sinaduren txokoa ere prestatu dute antolatzaileek. Irakurleek aukera izango dute hainbat egileakaz aurrez aurre egoteko eta euren lanak sinatuta eramateko. Parte hartuko duten idazleen artean daude Iñaki Bernaola, Gorka Diez, Mónica Sánchez, J.L. Etxegarai eta Dei Gaztelurrutia.
Antolatzaileen arabera, "liburuak kalera ateratzea eta irakurleen eta sortzaileen arteko harremana estutzea" da azokaren funtsa.
Beraz, literaturazaleentzat zein jakin-mina dutenentzat, hurbildu zaitezte Berangoko Liburu Azokara!