Antolatzaileek azaldu dutenez, aurten badago bereiztasun bat: Berangoko Miliak Espainiako 2025eko milia-antolakuntzarik onenaren saria jaso berri du Espainiako Atletismo Federazioaren eskutik; gainera, Udalak nabarmendu duenez, aitorpen hori eskuratzen duen zortzigarren aldia da.
Gainera, aurtengo programan erreleboen erakustaldi berezi bat iragarri dute. Bezperan, urriaren 2an, Osasuna eta kirola izeneko hitzaldia egingo dute Fernando Ansoleaga Antzokian.
Iaz, XXXVII. edizioan, maila bereziki handia izan zuen eliteko probak. Gizonezkoetan Isaac Nader portugaldarra nagusitu zen 4:16,8ko denboragaz; Carlos Saez bigarrena izan zen, eta Abderrahman El Khayami, hirugarrena. Emakumezkoetan, Marta Garcia izan zen garailea 4:48,8ko markagaz, Esther Guerrero eta Miriam Costaren aurretik.