Udal-liburutegiaren bitartez, Berangoko Udaleko Kultura eta Berdintasun Sailek antolatu dute. Bertan, 16 urtetik gorako edonork parte hartu ahal izango du, eta pertsona bakoitzak kontakizun bakarra aurkeztu ahal izango du, euskaraz edo gaztelaniaz. Lanek azaroaren 25agaz lotutako gaia izan beharko dute, originalak, argitaratu gabeak eta gutxienez bi orrialdeko luzera izan beharko dute.
Kontakizunak azaroaren 18ko 20:00ak arte aurkeztu ahal izango dira, Berangoko Liburutegi Publikoan –Simon Otxandategi, 64– edo posta elektronikoz, nagusienetxea@berango.org helbidera bidalita. Lanak ezizen bategaz sinatu beharko dira, eta egilearen datuak aparte aurkeztu beharko dira, lehiaketaren oinarrietan zehaztutako moduan.
Epaimahaiak azaroaren 23an irabazleei emaitza jakinaraziko die, eta sari-banaketa abenduaren lehen astean egingo dute. Euskarazko eta gaztelaniazko kategorietako irabazleek Elkar dendetan erabiltzeko 100 euroko opari-txartel bana jasoko dute. Gainera, saritutako kontakizunak Berangoko Udalaren komunikazio-kanal ofizialetan argitaratuko dituzte.