EHUko garbitzaileen grebagaz bat egin du Leioako campuseko neska* ikasleen taldeak

Argazkia: XABIER CAÑAS

Azaroaren 19an eta 25ean greba egitekoak dira EHUko garbitzaileak, eta haienganako elkartasuna adierazi eta egun horietan elkarregaz mobilizatuko direla iragarri du Gasteizko, Leioako eta Ibaetako neska* ikasleen taldeak, prentsa-ohar baten bidez. Euren iritziz, "COVID-19ak zaintza-lanen krisia azaleratu eta areagotu du, eta azaleratu du pandemiaren aurretik prekarioa zen lana, ezkutukoa eta aitorpenik gabekoa".   

"Garbitzaileak funtsezkoak dira eta EHUk eta Hezkuntza sailak gutxietsi egiten ditu", dio neska* ikasleen taldeak. Azaldu dutenez, sei urte dira garbitzaileak hitzarmen duina negoziatzen
dabiltzala EHUgaz eta garbiketa-enpresagaz. Hutsik dauden lanpostuak betetzea aldarrikatzen dute, bajak betetzea, kontratatutako ordezkoek lanaldi osoa izatea… Izan ere, bost langile egon beharko liratekeen lekuetan hiru daude".

Gaineratu dutenez, garbiketa-zerbitzua azpikontratatua dago, eta kudeaketa publikoa ez izateak enpresa pribatuek langileen egoera prekarizatzea dakar. Hartara, garbitzaileek eskatzen duten euren lan-baldintzak eta soldatak Eusko Jaurlaritzako garbitzaileek dutenakaz parekatzea.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun