EHUko Leioako campuseko unibertsitate-komunitatea haserre dago Zuzenbide fakultateko irakasle batek sare sozialetatik zabaldutako iruzkin matxisten eta eskuin muturreko adierazpenengatik.
X sare sozialean idatzitako mezu polemikoenen artean, irakasleak iradoki zuen "emakumeek garbitzera joan beharko luketela", eta zerbitzari baten itxurari buruzko esaldi matxistak ere egin zituen, hala nola "gona nola geratzen zitzaion". Horrez gain, irakasleak eskuin muturragaz lotutako hainbat iruzkin zabaldu dituela ere salatu dute ikasleek, besteak beste, Espainiako Falangearen hainbat argitalpen partekatu ditu.
Gaitzespen adierazpenak berehala iritsi dira, eta hainbat ikaslek protestak antolatu dituzte egunotan campusean, irakaslearen jarrera salatzeko pintadak egiteagaz batera. Tentsioa gero eta handiagoa izan da, eta liskar handiagoak ekiditeko, gaur, barikuan, segurtasun-langileek irakaslea campusetik ateratzeko eskoltatu egin behar izan dute.
Ikasleek agintari akademikoen erantzun irmoa ere exijitu dute, irakaslearen iruzkinek unibertsitatean nagusi izan behar diren berdintasun- eta errespetu-printzipioak urratzen dituztelakoan. Halaber, hurrengo egunetan elkarretaratzeak ere egingo dituztela iragarri dute.
Ver esta publicación en Instagram