Garin irakasle agregatua zen EHUn, eta irakaskuntza eta ikerketa uztartu zituen bere ibilbidean. Bereziki saguzarren azterketan jardun zuen, landa-lanean eta ikerketa zientifikoan ordu ugari emanez. Haren lanak faunaren eta biodibertsitatearen inguruko ezagutza zabaltzen lagundu zuen, baita ikasle-belaunaldi berrien prestakuntzan ere.
Euskal Herriko Unibertsitateak atsekabe handia adierazi du haren heriotzagatik, eta Garinek egindako ekarpen akademikoa zein zientifikoa nabarmendu ditu, baita unibertsitate publikoagaz izandako konpromisoa ere.
Era berean, EHUko komunitateak doluminak eta elkartasuna helarazi dizkie haren senideei, lagunei eta gertukoei; bereziki, bikotekideari, EHUko irakaslea bera ere.
HIRUKAtik ere bat egiten dugu dolumin horiekaz, eta gure babesa eta besarkadarik beroena helarazi gura dizkiegu haren senide eta gertukoei.
Inazio, eskerrik asko urte hauetan gure alboan egoteagatik, zure ezagutza partekatzeagatik eta HIRUKAren parte izateagatik. Plazerra izan da zure ekarpenak jasotzea eta gure orrialdeetan zuretzako lekua izatea. Zure lana eta oroimena gure artean geratuko dira. Besarkada handi bat, Inazio.