Hil osoan Erandioko liburutegietan barrena eduki dugu Amaia Afanador ipuin-kontalaria. Hilaren 3an Altzagako bibliotekan eskaini zuen saioa, eta hilaren 11n, beste horrenbeste egin zuen Astrabuduan. Hala, martxoaren 27an, barikua, “Uxue eta Haimar elkarrekin” izenburuko istorioa azken aldiz antzeztuko du Afanadorrek Erandion. Oraingo honetan Erandiogoikoko Gizarte Etxea aukeratu dute herriko liburutegietako arduradunek, 4 eta 8 urte bitarteko neska-mutilentzako emanaldia eskaintzeko. Ordua 19:00etan jarri dute.
Azaldu dutenez, Uxue eta Haimarrek “persona guztiak garrantzitsuak garela eta gura dugun guztia egin dezakegula transmitituko digute, gure arraza edo sexua kontuan hartu gabe”. “Erabakia hartu eta saiatu besterik ez dugu egin behar. Azken finean, dena norberaren esku dago”, gaineratu dute. Sarrera doan izango da ume zein gurasoentzat.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!