Orain arte, Deustuko Unibertsitateko traineruak 20 aldiz irabazi du estropada hori. EHUko Ingeniaritza Goi Eskola Teknikoko kideek gutxiagotan nagusitu dira, 14, baina azken urte biotan eskuratu dute garaipena. Gainera, iaz estropadaren historiako markarik onena egin zuten: 22 minutu eta 51 segundo.
Erandiotik irtengo da bihar Ingeniarien eta Deusturen arteko estropada
Ingeniariak-Deustu estropadaren 35. edizioa hartuko du Ibaizabalek bihar, hilak 29. Arraunlariak Lutxanako klubeko instalazioetan pisatu ondoren, itsasadarreko zein aldetik nabigatu gura duen aukeratuko du Deustuko Unibertsitateko eskifaiak, iaz galdu izateagatik. 13:00etatik aurrera traineruek lau itsas milia egingo dituzte (7.408 metro), lehenengo milia osorik Erandioko uretan. Amaiera Bilboko udaletxearen parean izango da. Bertan, talde irabazlek bere izena grabatuko den zilarrezko erretilua altxatu ahal izango du. Probari amaiera emateko, laguntasun bazkaria egingo dute bi eskifaiek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun