Erandioko Udal Gobernua ekintza-planean murgilduta dago, Astrabuduan eta Altzagan baldosak eta espaloiak konpontze aldera. Udalak berak gogoratu duenez, hobetze-lanak egiten dabiltza udalerriko hainbat eta hainbat tokitan, “auzokideen ongizaterako”. Aske dauden lauzak kendu eta berdinak edo antzekoak diren baldosa berriak jartzen dabiltza, jende gehien dabilen herriko lekuetan. Kontu estetikotzat jo badaiteke ere, asmoa, batez ere, segurtasuna mantentzea da, lurraren narriadurak “erorketak, labainketak eta bihurkadak eragin baititu”, udal arduradunek onartu dutenez.
Astrabuduan lanak honako lekuetan izango dira: Bilboko Kontsul-etxe, Alkone, San Lorenzo, Atxe eta Txakurzulo kaleetan zein Josu Murueta plazan. Altzagan, ordea, apurtutako baldosak aldatuko dituzte Pagoeta, Desanexio, Txinboak, Llona, Mitxelena eta Bereterretx kaleetan. Zerrenda horretako guneak konpondu ondoren, udalerriko beste leku batzuetara joko du Udalak, asmo beragaz.
Erandioko PSE-EEk behin baino gehiagotan horrelako lanak eskatu izan ditu aurretik.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!