Kirolak  Erandio 2015-04-24 19:00

Gorazarre egingo diote bihar Lopez de la Calleri

Bihar, zapatua, Erandioko Udalaketa Astrabuduko Kick Boxing Taldea (AKT) omenaldia egingo diote Haritz Lopez de la Calle borrokalari astrabuduarrari. Bi erakundeek eta Lopez de la Calleren senide, lagun eta borrokakideek Astrabuduko Josu Murueta kultur etxean jarri dute hitzordua, 13:00etan. Espainiako K-1 txapelketa irabazi zuen astrabuduarrak.

Gorazarre egingo diote bihar Lopez de la Calleri
Haritz Lopez de la Calle. © EUSKOBOX | Ikusi handiago | Argazki originala

Lopez de la Calle borrokalaria Europara begira dago daborduko

Bitartean, Haritz Lopez de la Calle astrabuduarrak Europako Kickboxing  Txapelketa irabazi gura du. Horrela aitortu zuen pasa den astean, Espainiako K-1 txapelketa, 66,8 kiloko kategorian, erdietsi eta egun batzuetara: "daborduko gauza berrietan pentsatzen nabil, eta hurrengo geltokia Europako txapelketa da. Horrek izugarri motibatzen nau, ikasteak eta hobetzeak motibatzen nauten legez, asko baitut hobetzeko". Horregatik, pasa den apirilaren 11n, Txurdinagan  Marcelo Gonzalezen aurka irabazitako tituluari baino, ahalik eta lasterren berriz prestatzeari jartzen dio arreta: "datorren astean puntuak kenduko dizkidate eta bi aste barru entrenatzen ibili gura dut" dio astrabuduarrak.

2015/04/25 13:00

Josu Murueta kultur etxea | Erandio

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa