Norberak lanposturen bat topatzeko edo bere enpresa eratzeko hainbat ekimen jarri dute bidean Erandioko Enplegu, Ekonomia Sustapena eta Tokiko Garapena Arloak eta Erandioko Behargintzak.
Besteak beste, alde batetik, enpresa sortzeko edo jarduera hasteko udal laguntzak eskatzeko epea zabaldu dute, azaroaren 30era arte. Gehienez jota, enpresa bakoitzak 3.000 euro lortu ahal izango ditu. Bestalde, dozena bat ikastaro eta tailer emango dizkiete doan, Behargintzan lan bila dabiltzan eta interesa duten pertsonei, beharra topatzeko tresna eta trebetasun berriak ezagutu ditzaten. Tailerretarako, aurretik izena eman beharra dago.
Info+: 944 175 616 / ekintzailetza@erandioko-udala.net
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!