Galder Perezek zuzenduta, kartzelan preso dagoen Faustoren istorioa kontatzen du lanak; protagonistak indultua lortuko du, Madame Demokraziagaz ezkondu ostean. Hala, “ongizatearen bidea” hartuko du. “Aurrerantzean izaki horrek gidatuko du Fausto ereduzko hiritar bihurtzeko zeharkatu beharko duen arrakastarako bide ilun, haluzinagarri, elektroniko, arriskutsu eta atzera bueltarik gabekoan, boterearen bila beti”, azaldu dutenez. “Antzerki-panfletoa, kontzertua eta deskontzertua, komedia, tragedia eta performancea” da, Christopher Marloweren "Fausto" oinarri hartuta.
Aktoreei dagokienez, Mikel Losada, Miriam K. Martxante, Lander Otaola eta Diego Perezek jardungo dute oholtza gainean. Bestetik, Endika Lahaine rap-musikariak eta Patrol Destroyers DJ hirukoteak zuzenean joko dute antzezlanean.