Erandioko Goi Alde Dantza Taldea 50. urteurreneko ospakizunetan murgilduta dabil. Horien barruan, ekainaren 5ean, barikua, "Euskal Herriko janzkera" goiburuko berbaldia eskainiko du Amaia Mujika Goñik, Bilboko Euskal Museoko Etnografia Saileko teknikari arduradunak. Hitzordua 19:00etan jarri dute, Erandiogoikoko Jesus Maria Olague Txuma kultur zentroan. Hala ere, egun hori heldu aurretik, atzo hasita, jantzien erakusketa egongo da leku berean, Bizkaiko Dantzarien Biltzarraren (BDB) ekimenez. Gure lurraldean erabiltzen ziren arropak ikusi ahal izango dira astelehenetik barikura, 16:00etatik 21:00etara.
Goi Alde Dantza Taldea Jose Luis Intxaurbe Kotxelu lagunak sortu zuen, Erandioko gazteen artean euskal kultura zabaltzeko asmoz; «herriko apaizak aginduta», arduradunek azaldu dutenez. Taldeak 1965eko abuztuaren 15ean egin zuen lehenengo agerraldi publikoa, Erandioko Andra Mari jaietan
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!