Musikaren Europako Eguna ospatzeko, zapatuan, hilak 20, Salamandras eta Urban taldeek kontzertua eskainiko dute, Astrabuduko Josu Murueta plazan. Emanaldia 22:00etan izango da, eta sarrera, doan.
Aipatutako Erandioko auzoan sortu dira banda biak. Salamandras rock and roll boskoteak kontzertu-ibilbide luzea eduki du, eta, besteak beste, Loquilloren eta Travelling Brothers leioaztarren hasierako gonbidatuak ere izan dira. Urban taldeari dagokionez, etengabeko bilakaeran dauden pop-rock kantuak eta melodia berriak jotzen dituzte. Musika melodikoa, erromantikoa, nostalgikoa... egiten dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!